從霸嗎大概兩年前在香港開了第一間店到至今，我依然還會對身邊的人介紹它是我覺得最好吃的拉麵。
霸嗎拉麵用的那塊豚肉叉燒，炙燒過後未食已經聞到嗰陣煙燻香味，叉燒夠厚身，肥瘦適中，我敢話我真係未喺其他地方食過比霸嗎更正嘅叉燒。
呢排天氣轉涼，就開始掛住佢個紅卜卜火辣辣嘅辛辣炙燒豚肉拉麵湯底。其辣香濃厚但不至於將舌頭麻痺而影響了享用豚肉叉燒和拉麵的味道
一直有種錯覺直身拉麵掛麵功力不夠捲捲形拉麵強，但我想湯底實在夠濃郁，所以已經足夠能把湯底適量掛上麵條。拉麵更是店鋪自己做的，口感特別煙韌。
男友不太食得辣，要番個普通炙燒豚肉拉麵。普通豬骨湯底都好香濃。
每次除左拉麵之外，點樣都要點個餃子活或者唐揚炸雞。今次叫左唐揚炸雞。佢個炸雞真係做得唔錯，上枱個陣外脆就一定係嫁啦，呢樣都做唔到就完全唔稱得上係炸雞啦。我話佢正係因為就算你等到食完碗拉麵先食佢，佢個皮都依然係咁脆，一般炸雞擺耐一陣一定好快腍曬，而且佢入面嘅雞肉keep到好嫩滑同埋多汁。
霸嗎拉麵 Ramen Bari-uma (尖沙嘴分店）
餐廳類型：拉麵
地 址：尖沙咀金巴利道26號地舖
電 話：2217 8300參考網頁：開飯Openrice
Follow my other Blogs:
0 Comments