｛元朗隱世拉麵🍜｝
元朗近元朗公園的明渠兩旁有唔少出名小店(係元朗人就會知明渠係指邊到🤣)，有壽司之神、旮旯、仲有呢間仲未有太多認識嘅麵屋隱。
-
小店一如其名，外面的深色木系裝潢沉實樸素，窄窄的店面很容易被旁邊的店舖遮蓋而被忽略，猶如9 3/4月台「隱」身於兩店之間的隙縫。推開扇門之後，店裏面的深色木檯同埋凳，加上正在播放的日文歌，有種以為轉眼黎到日本東京嘅錯覺。
-
呢一碗白隱，先索價$68，應該平過香港絕大部分同等質素嘅拉麵店。湯底用豬骨熬製，香濃但不會太張口油膩，湯底有股香蒜味道，湯底絕對贏盡我係港九食過嘅湯底！麵條可以自選硬度，小店選用的麵條係寬扁身，很掛麵。叉燒肥瘦均勻，而且好大片，食完麵同埋筍啊木耳啊，都仲有一小塊慢慢享用！
-
呢個價錢，可以話係物超所值！我諗都無咩地方可以搵到一碗先自$68嘅拉麵，仲要係咁好食！
————————————
提外話：身為元朗人，見到呢段時間喺元朗發生嘅腥風血雨，真係好心痛。無諗過平時飲茶去開嘅雞地，行執笠倉/三聯（已經執左😢）嘅大馬路居然變成左戰場。721元朗呢一日模糊左黑同白嘅界線，但令我地睇清左唔少野！要保護呢一個地方嘅美好回憶，就要勇敢站出來捍衛！
🎰餐廳：麺屋·隠 (元朗)
📍地址：元朗裕榮徑11號好旺洋樓地下5號舖
0 Comments